-J. Lianhmingthanga Sailo (Ngurthansangi Pa)
Pu Buanga leh Sap Upa te khan Mizote Hawrawp min siamsak khan W kha an siamtel lova. Chuvangin, tun thlengin Mizote hian kan hawrawpah hian W kan la nei lo.
Mahse, \henkhat chuan; W hi hawrawp ziah awlsam nan leh, thumal tihtawi duh avangin 'Aw' aiah hian an hmang uar chho \an ta hle a. Heihi kei chuan \ha ka ti lova, ka do tlat a ni.
|henkhat chuan 'Mizo |awng tihhmasawnnan leh tihhausaknan' tiin an hmang pawh a ni thei e. Mahse, W hian Mizo |awngah awmzia a nei reng reng lo! Chhuk vang vang, chho leh vang vang, chhuk leh vang vang, chho leh bak entir a nei lo.
|henkhatin 'O' hi 'Aw' aiah an hmang uar nasa tawh hle bawk. 'O' hi a lamdan diktak chu 'Au' - 'Nopui' (Big Cup) lamrika 'No' lamrik anga lamrik tur a ni a. 'Aw' aiawhtu atana lo hman ve ngawt hi remchang lo tak a ni e.
Tunlaiah hian 'Ng' aia 'G' hmang uar ta riau; 'Ch' aia 'C' hman ph>t tum an \hahnem ta! Ziakve \hin \henkhat phei chuan an laiah hnam hmingah 'Colney' te zu hmang a! Mizo hian kan hawrawpah hian 'Y' kan lo nei tel em ni? 'X' te pawh hi?
A hminga Mizoram lo luah a, tun thlenga Mizoram a nih phah nachhan Sailova thlah \henkhat hian an laiah hnam hmingah hian 'Ceylo' tihte, 'Cylo' tihte, a tam mai; an hmang nasa! Mahse, keizawng ka Sailo zel dawn e!
Chanchinbu tamtakah hawrawp chungchanga inhnialna te, Hming phuah leh ziahdan chungchanga inhnialna te ka hmu \hin. Inhnial a ngai tehchiam lo; a dika hman mai tur a ni.
'Kawlni' chu 'Colney' ni lovin, lo Kawlni mai se! Sailo chu 'Xylo' emaw, 'Cylo' emaw mai lovin lo 'Sailo' zel se; Chawngthu pawh 'Congthu' mai lovin lo 'Chawngthu' reng sela \ha mai tur!
Thlahpawlh kan ni emaw, ni lo emaw pawh nise, min hringtu kan Pa chu Mizo a nih chuan Mizo takin kan hnam hming kan dahmai tur a ni.
Thuziaka Mizo |awng humhalh lamah Pu B. Lalthlangliana hi ka ngaisang khawp mai. Diktak chuan tunlaia tute Padma Shree hmute ai chuan a kutchhuakte hi a hlu ka ti f> a ni. Chanchinhlui (History) chhui lamah a ni hi \uanta lo se Mizote hian kan Chanchinhlui hi chhiartur khawi a\angin nge kan hmuh ang le? Ka zawt a che u!
Engpawhnise, Mizo ka nih chuan Mizo takin ka \awng tur a ni. Thu ka ziah leh chhiarin Mizo takin ka ti \hin tur a ni. Mizo hawrawp hi ka hnualsuat tur a ni lo. Ka damchhungin Mizo hnahthlak pakhat ka ni reng dawn si a!
3 Comments
Nia, i ziak tha ka ti e.